Diseinuak

Itsua

2013ko txapelketa nagusiko Mauleko saioan, kartzelako ariketan kantatutako bertsoetan oinarritzen da.

Bigarren bertsoko azken puntuan, hain zuzen ere.

Horkonpon

Esamolde bat du oinarri. Ez du azalpen askorik behar, ezta? Eta beharko balu, ez nizuke emango. Beraz, horkonpon

Baleki

Esaera zahar bat du oinarri:

"Gazteak baleki, zaharrak baleza"

Ondo

Zer moduz galdetzen dizutenean, diseinuak ipintzen duen hori esatea aukera bat da. Ezta?

Kuku

Lazkao Txikiren bertso bat du oinarri:

Birigarroa arbolan eta
xoxoa sasi onduan…
gaur goizean’e eginahalean
hor ari ziren kantuan.
Kukua, berriz, zuhatzik zuhaitz
«kuku» hemen ta «kuku» han;
kalendario gabe badaki
noiz etorri ta noiz juan.

Ahotik

 Jon Maiak, 1997ko txapelketa nagusiko finaleko azken agurrean kantatu zuen bertsoan oinarritzen da.

 

Iparraldetik

Xabier Leteren bertso batean oinarritua.

Haizea dator iparraldetik

hego berotik ekaitza, 

ez da nabari lanbro artean

zuhaitz ahutsien emaitza.

eguneroko lagunak ditut, 

beldurra eta zalantza,

ardo txar honek eragiten dit

noraezeko balantza

 

Hao ixilik

Ez du azalpen askorik behar diseinuak. Ezta?

Irriparra.

Andoni Egañak, 1993ko txapelketan, "Irriparra" gaitzat zuela bota zuen bederatziko puntuan oinarritutako diseinua:

Gaur goizean pasa det ikararen marra

andrea han zebilen, tirri ta tarra

gosaria prestatu, ez zegoen txarra

azkenean esan dit: Adio Senarra!

musu bat suharra

haretxek zun garra

barreneko harra.

zure irriparra

horixe da inporta zaidan bakarra.

Eonailo

Esaera zahar batean dago oinarritua

Egon hadi lo, eta jango dek mehe.

Sua

2009ko txapelketa nagusiko finalean, Maialen Lujanbio, Sua hitza gaitzat zuela kantatu zuen bederatzi puntukoa.

Hura asmakizuna, homo habilisena

bazun intenzioa, bazuen sena,

bi harrik elkar joaz txispa bat aurrena

asmakizun handina, mendeetan barrena

sua da problema

baso askorena

eta jaki dena

berotzen duena

eta bi begiradak 

sortzen dutena.

 

Ikastola

Sustrai Colinak, 2013ko finaleko azken agurrean kantatu zuen bertsotik ekarria.

Muxu handi bat zuri entzule, etxeko ta lagun berdin

ni Seaskako ikasle izan naiz, bertsolari izan aintzin,

ta azkenaldian gertatzen denak emana dit gaur min

sentitu sortu eragin

zaharretik berria egin,

ikastola bat nahi dut Hendaian, Beskoitzen, Maulen, Garazin...

bihar herri bat izan dezagun, ta euskaraz bizi dadin.  

BertsOzale

 Oxigenoaren ikurra, bertsozalean txertatuz, bertsozalea bertsoaren arnasa dela sugeritzen duen diseinua. 

Itzali

2017ko Irungo finalaurrekoan, Maialen Lujanbioren kartzelako azken bertsoan oinarritzen da diseinua.

Ikusi eta entzun bertsoak

Zortzikoa

Bertsoaren metrika adierazten duen diseinua

Egurra

Esaera zaharra da diseinuaren oinarria

Nolako egurra, halako ezpala

Itsasoa

Xebastian Lizasok, 89ko txapelketan, bakarkakoan kantatu zuen bukaera hau.

Jon Maiak hortik abiatuta sortu zituen bertso jarriak eta Benito Lertxundik, ezagun bihurtu zituen.

Usoak

Esaera zaharra du oinarri. 

"azkar eta ondo, usoak hegan"

Loiola

Bilintxen bertso sorta batean oinarrituako diseinua

Intxaurrak

Esaera zaharra du oinarri diseinu honek.

"Urrutiko intxaurrak hamalau, gerturatu eta lau"

 

1967

Xalbador bertsolariak, 1967ko txapelketan, buruz burukoa jokatuko zuela esan ziotenean, txistuak jo zizkioten.

Ondoren bota zuen bertsoan oinarritutako diseinua.

anai arrebok, ez otoi pensa, ene gustora nagonik

poz gehiago izango nuke albotik beha egonik

zuek ez bazerate kontentu, ERRUA EZ DAUKAT EZ NIK

txistuak jo dituzute bainan, maite zaituzten oraindik.

 

Zazpisei

Neurriko txikiko puntu batek zenbat silaba ditu?

zazpi eta sei.

Ederra da

Julio Soto bertsolariak, 2019 Nafarroako txapelketako txapela jantzi zuela kantatu zuen agurrean oinarritutako diseinua da.

Ez da uste bezain zaila / Zoriona aurkitzea

Besteei pakea eman / Zein norberak sentitzea

Baldintza derrigorra da / Orainean gelditzea

Burua atzoan edo / Geroan ez ipintzea

Nahiz gertatu gozatzea / Bezelaxe sufritzea

Ondoan norbait sortzea / Ondoan norbait hiltzea

Nahiz gertatu gozatzea / Bezalaxe sufritzea

Bere poz eta bere min / Ederra da bizitzea

Paristik. haurren arropentzat pentsatutako diseinua da, kantu ezaguna du oinarri

Ran roberra

Haurrentzako diseinua da hau eta haur kantu ezagun bat du oinarri

Hemen kantua

 

Harpidetu gure buletinera

Eta gure eskaintza, promozio, zozketa, albiste... eguneratuta egongo zara

mailing Mailrelay sistema

ver carro Contact